巫‧心情: 向上下前後左中右

其實。

一個演藝人黎講, 樣貌方面
佢都唔係d 人講到咁醜樣啫...
行街見唔少男人(個樣,態度),
令人反胃程度, 甚過佢十倍都仲有啦。

唔識做戲? 係.
不過, this is his first drama right?
佢演繹出黎d 表情, 惡形惡相呀咁
請原諒巫品味向來獨特,
我衷心唔覺得係「核突」同「嘔心」既演出

我每次見佢擠眉弄眼扮怒睥, 或奸笑,
都會忍唔住笑得好開懷,
心想此小子好有喜劇感, 幾得意吖~

其實。。。呢d演技...
我用我相當偏頗既眼光來看,
只不過係十分之幼嫩, 小朋友, 稚氣

【請留意同劇既CK小姐, 她做左咁多年,
都仲可以做到咁「稚氣」咁「小朋友」,
我覺得...仲難頂】
(XDD 咁...你都可以解釋話,我撑一個踩一個
完全因為同性相拒,異性相吸...我....都....承認....既 xdd)

另外, 小子似乎有武術底子,
佢做打戲, 都做得好賣力, 好認真吖。

@@@@@@@@@@@@@@@@@@@@@@@@@@

此男子咩背景, 點樣攞到呢個角色,
其實。。。

關我咩事呢.

睇免費電視為娛樂,
大家又唔係法官, 道德判官, 視評人。

留意到一個現象, 幾乎所有不滿聲音,
都係因為佢係向上下前後左中右。

E + d 觀眾, 對演員身世、背景、道德既要求,
真係有如 Mount Everest 咁高。

我忽發奇想, 好想知,
如果叫孔子
(係真孔子, 唔係周潤發....
係真係那位歷史人物, 中國人景仰既道德高人)
黎做戲,
大家係咪會一d 批評都冇。

備註：呢篇野, 擺明就是為維護新偶像而作,
一d 都唔會客觀。有咩得罪之處, 都巫辨法。

以下
2010年4月19日下午4:25 pm 更新

鐵馬結局篇，佢既演技同造型係奇蹟咁改善
討論區ge 朋友，轉哂口風,
居然由『「天生奇相」，極其罕有，五官相貌極之乞人憎』
變成『佢ge 笑容好似小朋友咁純真無邪』

哎，我只能夠慨嘆...本人....真係獨具慧眼
一早已經封佢為偶像 xddddd

嗱嗱嗱，睇下佢可塑性係幾咁高
成個天真的小朋友咁↓