下午出左去一個離公司有山高皇帝遠咁遠既地區做野
做完野, 忍唔住優待下自己,
走去附近的 cafe 醫肚~
環境 ↑↓
係下午茶時間~
好多 afternoon tea sets...
不過,份量方面... =.=
見到個兩人份量既下午茶餐,
兩串串燒雞件 +
4個辣魚餅 +
4塊cookies +
兩個 muffin (定cupcake 呢?) +
一杯明顯係 Del Monte 牌咁款既罐頭雜果
+ 兩杯餐飲
= 咁先係吖嘛!
於是, 不作他想, 勇叫二人餐
個waitress, very nice, 招呼周到
見我孭住個大袋
隻手又攞住個裝滿文件就黎散哂又爛緊既厚厚box file,
狼狽盡顯,
於是幫我搬左張凳仔放我身旁的通道俾我擺野．
我話: 不如, 我擺d 野過去我對面張凳, 咪唔使整多張凳, 阻住個通道便了.
她笑: 咁你....仲有人黎緊, 佢黎到會坐你對面個位吧
我笑: 我一個人食呀.
(由始至終,由門口等位到入座, 都冇講過『兩位』)
她尷尬窒了一窒: 呃, 你要了個兩人餐...?
我話: ...唔可以咁叫?
她: 唔係, 唔係...
(緊係唔係啦, 我一個俾 $68 嗌個兩人餐, 俾$ 你間cafe 搶 xddd)
個餐一黎到, 我已經忍唔住忘我, 埋首, 怒吃.
食左一半.... 
先至....呀!!!!
冇影低佢一黎到既樣, 雖則賣相都好一般，份量亦唔多！！！＝０＝)
咁既份量, 結果，當然係．．．．
清哂再上第二杯餐飲， coffee
(第一杯係奶茶, 在胃中, 係鴛鴦)
唔係好好好好食，
不過，出去做完一輪野，如果唔嘆番一兩個鐘，真係對唔住自己．
(好人侍應姐姐, 不用尷尬喔, 一個人食得落一個兩人餐, 都係一種福氣黎架~)
^v^
