暢快的半日

今日一大早就要出外工作，

本來就萬分的不樂意。

因為，我其實不知道，要我做什麼。
指示含糊, 求助無門。
只有薄薄一疊文件，同埋，上司的一句：
「最好不要打給我，也不要打俾個客。」
自己執生。

今次奉命要去履行職責的兩個地方，
我一次都未去過。
心情煩厭又有點緊張，
就像...就像整個人，俾呢隻龐然大蛛逼近咁。

不過，又想到我難得有半日不用待在
死板板人人都面黑黑的office

工作做完，仲有時間
可以在coffee shop 飲飲食食煲小說攤上半朝
仲有逛商場當然主旨是shopping
...心情豁然開朗!!
要捱也不過捱最多兩個鐘。

工作，好順利。比預期中順利 XDDD

多謝好心又靚仔的阿蛇們幫忙
(你地真係幾靚仔呀啊~♥正過陳X鋒，唔唱K果d)
又多謝 nice 爆的公務員姐們,師姐們
好久沒試過開工開得咁...爽～！
（睇下，圖中隻雀仔，就係當時既我）

仲有，我竟然在這種
意想不到既地方、場合，
撞到我小學同學。
我感覺到有個女子在旁邊打量了我好久
之後有人叫我個名，
我一轉身，即時就認得出，她！
以前口才已經很了得的小個子
我還喊得出她久違了的名字。

她跟我一樣，做緊同一樣野！
忽然有他鄉遇故知的感覺。

多年不見，感覺竟仍然好似做同學時那樣，
嘩啦嘩啦的講一餐。
各為其主，但一點都沒有
同行如敵國在職場上互相競爭
而雙方都帶點保留的疏離感。

儘管，小時候，大家其實真係一d 都唔熟。

可能，這是一種識於兒時的親和感吧。

那種感覺，對我來說，暖笠笠的。

做完野，點都要去coffee shop 坐個夠。
平復下心情都要啦～xdd

當然，主要目的，是想啃完睇左一半既小說。

嗱，別笑我out, 就係呢本

我焉有不知，

這當中的科幻情節，有幾...簡單。

不忘故事的背景...

是以７０年代的科技進程作藍本。

（７０年代喎，可能，

年輕的我（！！！）反而覺得有新鮮感）

不止一次，Mr. Wai 一系列的故事，

用過「一台巨型的」來描述電腦的。

但是我真的非常非常喜歡看。

反正，我頭腦不見得複雜。

科技、科學，是我可以拿負分的科目。

上述這一本，是暫時來說，有我最喜歡的情節。

看得津津有味，呷住最大size 的chai tea latte,
在《星巴掌》一坐就坐了兩個鐘！
(始終，還是喜歡《星巴掌》，
見到幾間《大西洋》　都過門而不入）

結果，書，看完了。
哎，這故事有續集是在另一本，另一本我沒帶來！
癮...被吊起了！（火口火）

再沒藉口攤在《星巴掌》，

唯有，衝去商場，血拼去！！！

有個朋友今日生日，週末要見她，
有藉口shopping...買生日禮物嘛!
 (上司的追魂call 已來奪了兩次命，都...奪不成
但，怎可以怪我呢，我校左靜音震機嘛，
不過妙處是，
fd 的 sms 倒是一個都沒 miss ，還回了三個。）

shop 到連家品都買埋...
終於，沒有藉口，要回歸.....現實的國度。

嗯，被血拼惡魔入侵並吞噬了的巫，
臨離開商場前，
竟然被奇異的力量，
牽引到我...步進
《周大叔》

（係呀，係d自由人至愛去消費既「金舖」呀！）。

我即時已看中了一件手飾。

今日一個自由人都冇。
全店既店員都湧上黎招呼我。
仲...奉上一杯熱茶！

本來，本來，消費模式極廣泛的我....
也點都唔會在這類重型金舖　
（《周大叔》《周金金》《６叔》等等）消費的。

（因為，這些...是我慣常陪阿媽去，
幫她揀手飾送給結婚、擺大壽的親友的...店子）

但是...在熱茶加全店店員的侍候
（點解一個客都冇！係一個客都冇！）
的壓力下...就範了就範了。

店員仲引誘我，
原來而家買呢d（金啦！鑽飾啦！）
有三大銀行信用卡，就可以做免息分期。
仲要可以分２４個月！
（NB 如果大家都已經知可以咁，
那麼，是我太無知～）

這簡直是埋門一腳嘛！
同我買雪櫃呀，手機呀，傢俬呀
可以免息分期一樣wo!

結果，我...在周大叔那裡，壯烈犧牲了...我
「唔結婚唔買龍鳳厄都唔會入金舖買野俾自己」
既自我約束。

雖然...有點破財，又破戒啦...所謂
但，當我戴上戰利品，見它在日光下閃閃發光，
行入《周大叔》,
明顯地買左野
再行番出來
的窘迫感，
消散了。
有什麼好尷尬呢？
就算這代表着
我開始老了，入金舖買手飾了。

今日，偷得浮生半日閒，
還多了一枚紀念品，
記錄了我今日偷閒的幸福，暢快～！